هندسة الأزهر
السلام عليكم ..اهلا وسهلا بك عزيزى الزائر نورت المنتدى بزيارتك لنا ..انت غير مسجل فى منتدى كليه هندسه الازهر ..سوف تتمتع بالعديد من المميزات اذا قمت بالتسجيل وذلك بالضغط على الزر اسفله(زر التسجيل) اما اذا كنت مسجل بالفعل ..فلتسجل دخولك عن طريق الضغط على الزر اسفله(زر الدخول) اما اذا كنت تريد اخفاء هذه الرساله فاضغط على الزر اسفله (زر الاخفاء)

هندسة الأزهر

معا لنتواصل.... من أجل حياة جامعية أفضل.
 
الرئيسيةدخولالتسجيلمكتبة الصوردخول الاعضاء

شاطر | 
 

 أزهرى وأفتخر ...

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
اتش
مهندس فعال
مهندس فعال


عدد الرسائل : 196
العمر : 27
العمل/الترفيه : القراءة
الـكـلـيـــة : : الهندسة

مُساهمةموضوع: أزهرى وأفتخر ...   الجمعة يناير 22, 2010 12:27 am

نعم افتخر بكوني أزهري ...







افتخر لأنى أعرف ديني وقرآني ..
واعرف مالي وماعلي من حقوق وواجبات نحو اسلامى وأمتى وبلدى وأهلى..





اننى أعترف بفضل الازهر علي من قمة رأسى الى أخمص قدمى
فتعلميى الازهرى جعلنى اكتسب شخصيه قويه مكنتنى من الصمود امام الفساد والانحراف الدينى والاخلاقى المحيط بنا من كل جانب ,
وجعلنى اتمسك بمبادىء التى نشأت عليها رغم كل المغريات ..

فالازهر كان ومازال صرح دينى وتعليمى عظيم رغم انف كل المتأمرين عليه .. ورغم المحاولات المستمرة لتهميشه وتشويه صورته لابعاد الناس عنه ..






فأعدائنا يعلمون ان الدين لو تدخل فى كل شئون حياتنا ولو أصبح القراءن منهاجا لنا ..لانصلح حالنا ولأصبحنا قادة العالم ..
لذلك فهم يحاولون باستمرار تهميش دور الازهر


الذى يمثل



الوسطية والاعتدال فى الدين



فهو ليس مجرد شعارات وانما هو فكر ومنهج الاسلام الصحيح
البعيد عن الغلو والتعصب والميوعة والتسيب





لهذا كله فانى احمد الله الذى شرفنى بالانتساب الى هذه المؤسسة الدينية العريقة
كما أحيى جميع الامهات والاباء الذين شرفوا اولادهم وألحقوهم بالازهر ..
حتى يتمكنوا من فهم دينهم وتطبيقه فى حياتهم العملية على الوجه الامثل ..



وختاما أقول ان ليس

كل من انتسب الى الازهر هو ازهرى
ولكن الازهر فكر ومنهج من التزمه ولو لم يكن
ازهريا فمرحبا به ضيفا كريما فى رحاب الازهر الشريف .



***********

انتظر أرائكم فى التعليم الازهرى ..



الرجوع الى أعلى الصفحة اذهب الى الأسفل
eng.ahmedhendy
مهندس فعال
مهندس فعال


عدد الرسائل : 246
العمر : 24
العمل/الترفيه : مصمم فوتوشوب وغاوى برامج هندسه الصوت
الـكـلـيـــة : : ادعولى ادخل هندسه لسه طالب
2

مُساهمةموضوع: رد: أزهرى وأفتخر ...   السبت يناير 23, 2010 6:09 am

الله على الكلام الجميل هو مش انتى من مصر برضوا يعنى مش من بلد تانيه هنقول عليكى غريبه ولا حاجه
انا والله انا مش حقول رايى فى التعليم الازهرى انا هقولكم النظام وانتم احكمو

بصى بقى ياستى انا دخلت الازهر من اول مابدأت التعليم طبعا عديت لحد 6 ابتدائى عادى لاننا مكناش مدركين بالى حوالينا الاعدادى بقى كانت احوالنا ربنا يعلم بيها طول اليوم حوالى 3 اربع حصص ولو نزلنا الملعب يطلعونا تانى وطول السنه شغالين احتياطى نادرا لو يوم الاساتذه كلهم كانو كاملين قولنا ماشى واهلى بيودونى الدروس ومليش دعوه بالمعهد بدأت الثانوى وانتقلت لمعهد تانى عشان كنا طالبين بس الى دخلو علمى وناويين ينفعو ههههه المعهد التانى بقى كان حاجه تانيه خالص مش اقولك كل مدرسين الشرعى بيشربو سجاير حتى ايام الخنازير الوكيل بتاع المعهد دخل علينا وقال عارف ياد انت وهو الى بيشرب سجاير مش بيصاب بانفلونزا الخنزير ابدا قولنالو ليه قال عشان بتقتل المكروب اه والله هذا حصل والحصص الفاضيه على قفى من يشيل وكمان المعهد ده قافلين البوابه لحد الحصه السادسه ومش عارفين نخرج والشباب بسم الله ماشاء الله شغال نط من فوق الصور لدرجه انهم فى المعهدد فكرو يعملو سلك شايك عالصور رغم انه عالى غير الى بيمشو عالشبابيك من الدور التانى وينطو من عند الصور الى بينا وبين معهد البنات كمان اول السنادى فى سنه تانيه اول حصه دخلها استاذ الفيزيا كتب عالسبوره تمارين عالفصل الاول واول مره نعرف مين الى حيدينا فيزيا كان فى اول 11 وبيقول انا كنت باجى مش بلاقيكم انتم الى بتروحو واحنا مش بنروح الا لما بنلاقى الحصه فاضيه بعضنا هروبا من الفسحه والبعض بيستحمل لبعد الحصه السادسه ولا اقولكم على استاذ النحو اول حصه دخلها قال السنادى سنه سودا عليكم اصعب سنه وماده النحو اصعب سنه هيا السنادى وحب يعقدنا ادانا اول حصه حوالى 5 دروس من الى خدناهم فى الدرس وغيره وغيره وعندى ادله ومستعد ارفعلكم صور هروب الطلاب من معهدنا طبعا كنت بصورهم لان الحصه فاضيه وواقف فى الشباك حاسس بالملل وغيره وغيره وغيره وغيره

قولولى انتو هل انا افتخر بكونى ازهرى ولا لا ؟؟؟!!!!!!

_________________
الرجوع الى أعلى الصفحة اذهب الى الأسفل
اتش
مهندس فعال
مهندس فعال


عدد الرسائل : 196
العمر : 27
العمل/الترفيه : القراءة
الـكـلـيـــة : : الهندسة

مُساهمةموضوع: رد: أزهرى وأفتخر ...   السبت يناير 23, 2010 8:54 pm



لا اله الا الله .. دا ايه العذااااااب دا ..

بص يااحمد كل مكان فى الكويس والوحش ..
والكل عارف ان التعليم عندنا فى مصر بيمر بأسوأ مراحله ..
انا مصدقة كل كلمة انت قولتها .. لان فعلا فى ناس ماعندهاش ضمير .. ربنا يهديهم ويصلح أحوالهم ..
بس الكلام دا مش فى الازهر بس .. فى مدارس تربيه وتعليم فيها أسوأ من كدا كمان .. وربنا يسامح اللى مسئول عن التعليم واللى بيتعلموه ..

بس عاوزة أقولك حاجه .. كل الكلام اللى انت قولته دا مايعفيش الطلاب من المسئوليه .. بالعكس دا بيزودها عليهم ..
لان الطالب فى جميع الاحوال مطالب انه يذاكر وينجح وبمجموع عالى كمان .. انا بتكلم دلوقتى عن الطالب المتميز اللى عاوز يبقى حاجه فى المستقبل ..
انا عارفه كويس ان الظروف دى صعبه جدا .. لكن عشان كدا بقولك ان المسئوليه مضاعفه عليكم ..
ومافيش حل تانى غير انكم تذاكروا وتتفوقوا ..

بعيد بقى عن كل الكلام دا .. انا كان قصدى من الموضوع انى اتكلم عن الازهر كمؤسسه دينية وتعليمية ..
لان رغم وجود مدراس مشابهه للمثال اللى انت قولته .. الازهر بيطلع نااس متميزة ومتفوقه جدا ..
لانه عظيم فى ذاته ..
والمناهج التعليمية بتاعته لو الطالب ذاكرها وفهمها كويس وطبقها على حياته ( ودا الاصل واللى مابيعملش كدا يبقى شاذ عن القاعدة ) ..
هايبقى فعلا متميز جدا فى حياته العلمية والعملية .. لان المناهج ببساطه بتعلمنا الاسلام من أصوله بصورة سهله وبسيطة ..
والشاطر بقى اللى يقدر يستفيد منها بأكبر قدر ممكن ..

وزى ماقولت قبل كدا لو الناس التزمت بالاسلام زى مابيدرسه الازهر ..حالنا هايتصلح والامور كلها هاتطظبط
ودا اللى اعدائنا مش عاوزينه يحصل
وعشان كدا بيحاولوا يشوهوا صورة الازهر ويبعدوا الناس عنه ..
ولو مش مصدقنى .. هاتلى تفسيلا للكلام اللى هاقوله دا :

ليه الغرب بيقول ان عدم الاختلاط فى الازهر بيدل على التخلف .. مع ان دراستهم اكدت ان الاختلاط بيعمل مشاااااكل كتير !!!
ليه كل شوية بيحذفوا من المناهج الشرعيه حجات ضروريه جدا لحد ماهايجى وقت من الاوقات يخلوها مفرغه تماما من مضمونها .. ؟؟
ليه التنسيق بتاعنا دلوقتى بقى تقريبا اعلى من العام او بيساويه مع ان احنا دراستنا اصعب .. ؟؟
ليه أوئل الثانوية الازهريه مابيتكرموش ومابيخدوش جوائز وماحدش بيحس بيهم زى أوائل الثانوية العامة .. ؟؟
ليه مافيش تطورات بتحصل فى المعاهد والجامعات الازهريه .. ؟؟
ليه ماعندناش ميزانيه كافيه .. مع ان بلدنا والدول التانيه بتخصص للازهر مبالغ كويسه .. الفلوس دى بتروح فين .. ؟؟
فى الافلام والمسلسلات ليه صورة الشيخ الازهرى او الطالب الازهرى بتبقى محل سخريه من الجميع ..؟؟؟
ليه اما حد يجي يتكلم عن الغش فى الامتحانات.. على طول السامع يربطة بالتعليم الازهرى .. مع ان الغش فى كل مكااان ..؟؟
لييييييييييييه صورتنا بقت كدا ؟؟؟؟

واشمعنا الازهر اللى بيتقال عليه كدا .. ؟؟

ومين اللى ورا المشاااكل دى كلها .. وهدفهم ايه ..؟؟

صدقنى احنا بيتعمل علينا مؤامرة قذرة من أعدائنا .. ومجرد معرفتنا لخططهم دا يعتبر هزيمة ليهم ..
المهم احنا دورنا ايه بقى فى الحرب دى ..
تفتكر الحل اننا نلعن ونشتم فى النظام وفى التعليم وفى الحكومة ..؟؟
ولا المفروض نبدأ احنا ونصلح نفسنا ونطورها ونتحدى اى حد يقف فى طريقنا .. ؟؟

ربنا يهدينا ويصلح أحوالنا ويعيننا على تغير الهم التقيل اللى احنا فيه دا ..

يارب تكون فهمت قصدى ..

عاوزة أعرف رأيك فى الكلام دا ..
الرجوع الى أعلى الصفحة اذهب الى الأسفل
eng.ahmedhendy
مهندس فعال
مهندس فعال


عدد الرسائل : 246
العمر : 24
العمل/الترفيه : مصمم فوتوشوب وغاوى برامج هندسه الصوت
الـكـلـيـــة : : ادعولى ادخل هندسه لسه طالب
2

مُساهمةموضوع: رد: أزهرى وأفتخر ...   الأحد يناير 24, 2010 12:35 am

ههههههههههه هو انا صغير للدرجادى عشان مافهمش والله فاهم قصدك وانا طبعا مليش دعوه بالعالم دول وانا شايل مسؤليات كتير ودايما بتحمل المسؤليه وربنا يجازيكى خير وانا بدأت احب الازهر هههههههههه عالعموم احنا بنعمل الى علينا وربنا يوفقنا

وانا متحمل كل حاجه ومتفوق على فصلى كلامى بس كان على فخرى ان اكون ازهرى والا لا بس بصراحه المواد الشرعيه فادتنى كتيير ربنا يوفقنا جميعا شكرا ليكى

_________________
الرجوع الى أعلى الصفحة اذهب الى الأسفل
اتش
مهندس فعال
مهندس فعال


عدد الرسائل : 196
العمر : 27
العمل/الترفيه : القراءة
الـكـلـيـــة : : الهندسة

مُساهمةموضوع: رد: أزهرى وأفتخر ...   الأحد يناير 24, 2010 9:24 pm

العفو ياابو حميد ..

ربنا يعينك وييسرلك الصعب .. ويوفقك فى حياااتك ..

ااااااامين ..

جزاك الله خيرا
الرجوع الى أعلى الصفحة اذهب الى الأسفل
اتش
مهندس فعال
مهندس فعال


عدد الرسائل : 196
العمر : 27
العمل/الترفيه : القراءة
الـكـلـيـــة : : الهندسة

مُساهمةموضوع: رد: أزهرى وأفتخر ...   الخميس فبراير 18, 2010 12:23 am

ايه ياجدعاان .. ماحدش هنا عاجبه الازهر غيرى ... !!!

الرجوع الى أعلى الصفحة اذهب الى الأسفل
ازهرى وافتخر
مهندس جديد
مهندس جديد


عدد الرسائل : 35
العمر : 27
العمل/الترفيه : اتمنى ان افتخر بازهرى

مُساهمةموضوع: رد: أزهرى وأفتخر ...   الخميس فبراير 18, 2010 12:39 am

يا سيدى الفاضل
شباب الازهر لو كانو كدا فعلا يبقا
الله يرحم الازهر

السلبى بيبحث عن حفره فى كل فرصه
انما بقا اللى يارب نكون منهم
بيبحث عن فرصه فى كل حفره

وياجماعه ارجوكم قلناها كتيييييييييير

اذا لم تكن تفخر بكونك ازهرى
فالازهر وطلابه بغنى عنك

اتفضل حول
مع السلامه
جرب غير الازهر
وياريت كلنا نبص للموضوع بحياديه

كل مشكله صابتك هى قدرك ولو كنت فى اكسفورد

الانسان بيعمل ظروفه
مش الظروف اللى بتعمله

وافخر بكونك ازهرى

وحاول تعمل حاجه صح
مش هانقول كل حاجه صح
لكن اعمل حاجه وتمها للاخر

اعتقد كلامى كتر
بس يمكن واضح

السلام عليكم

ولا ارجو اى تعليق ممن يعرفنى شخصيا
والسلام عليكم مرة اخرى
الرجوع الى أعلى الصفحة اذهب الى الأسفل
اتش
مهندس فعال
مهندس فعال


عدد الرسائل : 196
العمر : 27
العمل/الترفيه : القراءة
الـكـلـيـــة : : الهندسة

مُساهمةموضوع: رد: أزهرى وأفتخر ...   الخميس فبراير 18, 2010 10:46 pm



كلامك صح يابشمهندس ..

ربنا يهدينا ويصلح أحوالنا وينفع بينا الاسلام ..

جزاك الله خيرا على الاضافة المميزة ..
الرجوع الى أعلى الصفحة اذهب الى الأسفل
eng.ahmedhendy
مهندس فعال
مهندس فعال


عدد الرسائل : 246
العمر : 24
العمل/الترفيه : مصمم فوتوشوب وغاوى برامج هندسه الصوت
الـكـلـيـــة : : ادعولى ادخل هندسه لسه طالب
2

مُساهمةموضوع: رد: أزهرى وأفتخر ...   الخميس فبراير 18, 2010 11:43 pm

ماااااااااااااااااشى ياازهرى

_________________
الرجوع الى أعلى الصفحة اذهب الى الأسفل
deyaa
مشرف عام على اقسام المنتدى
مشرف عام على اقسام المنتدى


عدد الرسائل : 1998
العمر : 25
العمل/الترفيه : جمعيه خيريه
الـكـلـيـــة : : هندسه شعبة بنات

مُساهمةموضوع: رد: أزهرى وأفتخر ...   الثلاثاء أبريل 13, 2010 12:22 am

السلام عليكم ورحمة الله وبركاته
أعرف ان ردى جاء متأخرا ولكن
أنا سعيده جدا بهذا الموضوع لأنه يفتح بابا حديدا لمصارحة النفس أولا قبل اى شئ أخر
لقد عرفت أشخاصا كثر يظنزن ان الزهريين أقل من غيرهم وأخرين يخجلون من مجرد ذكر أنهم ينتمون اليه وأحيانا ينكرونه عند بداية تعارفهم بأحد ولكن
حقيقة فهم المجتمع للأزهرين وخجل بعض الازهرين من أنتسابهم لهذه المؤسسه تكمن فى عدة اسباب
1- سوء فهم المجتمع وعلى رأسه بعض الازهريين لدور الازهر فى المجتمع
2- عدم قيام المنتسبين للأزهر بالمسؤليات الملقاه عليهم فهو منصب تكليف وليس تشريف
و كما قالت البشمهندسه H كل العيوب الموجوده فى الازهر موجوده فى غيرها من الاماكن ولكن الفرق انه عندما يأتى من الازهريين فأنه اولا أفظع ثانيا يكبر ويضخم من أجل تشويه سمعته (الازهر) لما له من دور قد لا يكون واضحا فى بلدنا هذا الان
ولكنه كان ظاهرا جليا عبر العصور وخارج بلدنا الحبيب كما فى أندونسيا وغيرها
هل سأل أحدنا نفسه يوما حين يرى المغتربين والمغتربات(ما يعرفون لدينا بالوافدون) من جميع دول العالم مثل أندونسيا و جزر القمر غيرها من الاماكن من القدوم للدراسه فى الازهر لو أنه كما نظن مكان ليس بقدر المستوى المطلوب ؟؟؟؟؟؟؟؟؟؟؟
وهل سال احدنا نسه لماذا حين يتقدم شخص ما لوظيف خارج مصر كما فى دول الخليج يفضل المتخرج من الازهر ؟؟؟؟؟؟
لأنه ليس بالصوره التى نتخيلها
هل سأل احدنا نفسه ما دورى كأزهرى لخدمه المجتمع والامه الاسلاميه ؟؟؟؟؟
هل سأل احدنا نفسه بعد أكثر من 6 سنوات منتسب للأزهر ماذا فعلت بما تعلمت ؟؟؟؟؟؟؟ ام هل كان كل عمرى الفائت مجرد هباء منثورا ماده كاى ماده تذاكر للامتحان فقط ثم تلقى خلف ظهورنا لا نعمل بها أو نعلم غيرنا بما تعلمنا
وهل طبقنا الحديث القائل ( إن الله يحب إذا عمل أحدكم عملا أن يتقنه ) ؟؟؟؟؟ هل أتقنا مذاكرتنا وأعطيناها حقها ؟؟؟
إذا كنت ممن يعيب على الازهر ما فيه من عيوب وتخجل من الانتساب اليه اليك هذا السؤال
ما هى رنه تليفونك المحمول ؟؟؟؟؟ وإلى ماذا تفعل وقت فراغك ؟؟؟؟؟؟؟ ماذا تفعل فى لجنة الامتحان ؟؟؟؟؟؟؟
إذا كانت رنة تليفونك عاديه بدون موسيقى وتسمع القران أو تقراه فى وقت فراغك او تعمل على مساعدة شخص ما و كنت ممن يعمل على منع الغش فى الامتحانات فهنيئا لك أنت تعى مهامك ومسؤولياتك أما اذا كانت رنته تليفونك هى اغنيه مثل أغانى نانسى عجرم وهيفاء وعمر دياب وغيرهم أو كنت تسمع لأغانيهم وقت الفراغ وتغش فى المتحان
فلا يؤسفنى أن أقول لك ان الازهر هو الذى يجب ان يخجل من أنتسابك اليه لانك بفعلك هذا تناقض كل ما تعلمته وتأكد
أنك واحد ممن تعيب الازهر عليه
وأسفه على الاطاله
الرجوع الى أعلى الصفحة اذهب الى الأسفل
اتش
مهندس فعال
مهندس فعال


عدد الرسائل : 196
العمر : 27
العمل/الترفيه : القراءة
الـكـلـيـــة : : الهندسة

مُساهمةموضوع: رد: أزهرى وأفتخر ...   الثلاثاء أبريل 13, 2010 1:54 am

اسفه على ايه بس ..!

كلامك جميل يابشمهندسه .. زاد من قيمة الموضوع ..

جزاكى الله خيرا على الاضافة المميزة ..
الرجوع الى أعلى الصفحة اذهب الى الأسفل
 
أزهرى وأفتخر ...
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
هندسة الأزهر  :: !!.. الــمــوضــوعــات الــعــامــة ..!! :: الحـــــــوار العـــــــام-
انتقل الى: