هندسة الأزهر
السلام عليكم ..اهلا وسهلا بك عزيزى الزائر نورت المنتدى بزيارتك لنا ..انت غير مسجل فى منتدى كليه هندسه الازهر ..سوف تتمتع بالعديد من المميزات اذا قمت بالتسجيل وذلك بالضغط على الزر اسفله(زر التسجيل) اما اذا كنت مسجل بالفعل ..فلتسجل دخولك عن طريق الضغط على الزر اسفله(زر الدخول) اما اذا كنت تريد اخفاء هذه الرساله فاضغط على الزر اسفله (زر الاخفاء)

هندسة الأزهر

معا لنتواصل.... من أجل حياة جامعية أفضل.
 
الرئيسيةدخولالتسجيلمكتبة الصوردخول الاعضاء

شاطر | 
 

 عملية البثق

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
deyaa
مشرف عام على اقسام المنتدى
مشرف عام على اقسام المنتدى


عدد الرسائل : 1998
العمر : 25
العمل/الترفيه : جمعيه خيريه
الـكـلـيـــة : : هندسه شعبة بنات

مُساهمةموضوع: عملية البثق   الخميس يونيو 17, 2010 5:20 pm


Extrusion
البثق العملية التي يتم فيها الضغط على المعدن خلال اسطمبة ليها شكل محدد , فياخد المعدن الشكل النهائي للمنتج من خلال الاسطمبة ..هتقولو ازاي طبعا..اصبروا شويا

ل البثق ممكن يتم في درجة حرارة الغرفة وبنسميه cold extrusion البثق على البارد أو في درجة حرارة مرتفعة hot extrusion او البثق على الحار , و يعتمد هذا على ال Ductility بتاع المعدن او المرونة (قابلية المعدن للاستطالة والتمدد لو اثرنا عليه بقوة والرجوع لحالته الطبيعية واكيد اخدتو الاستطالة وبمعنى تاينى الطاقة اللي بيحتفظ بيها الجسم عشان يرجع لوضعه الطبيعي بدون ميحصلل خلل في المعدن ..عموما فككو من الكلام ده هتاخدوه لما تكبروا شويا بس جايز حد يفهمه )
1- Direct ( Forward ) Extrusion :البثق الامامي او المباشر
:وده بتكون فيه اتجاه القوة اللي بتعمل البثق في نفس اتجاه تدفق المعدن النهائي ..مش فاهمين ..عارف عارف ..شوفوا الصورة دي كده وانتو تفهمو

شايفين هنا اتجاه ضغط المعدن ؟؟؟؟وشايفين المكان اللي بيخرج منه المعدن بالشكل النهائي بعد الضغط ...هتلاقوا ان الاتنين القوة واتجاه التدفق في نفس الاتجاه ..وده زي مقلت البثق الامامي او المباشر ...
2- Indirect ( Backward ) Extrusion :
البثق الخلفى او الغير مباشر
وده بقى عكس اللي فوق خالص بمعنى ان القوة بتضغط في اتجاه والمنتج النهائي بالشكل الجديد بيخرج من الاتجاه المعاكس ...
بص الصورة دي

بص للجزء اللي فوق وشوف الصورة كويس هتلاقي القوة بتضغط في اتجاه والتدفق بيكون الاتجاه التاني (اللي جاي منه القوة) لحد اما طلع عمود طويل وسط الفراغ اللي لون ابيض
- Impact Extrusion :
للاسف مش عارف ترجمتها بالعربي بالضبط ..بس عموماده احد انواع البثق اللي بيكون المنتج الخارج رفيع جدا وسمكه قليل جدا ..وده ممكن يكون مباشر او غير مباشر

ده مثلا للنوع المباشر

إظغط على الصوره لتراها بحجمها الطبيعي !
وطبعا شايفين سمك المعدن بقى قليل جدا ازاي هنا من الطرفين واتجاه القوة مع نفس اتجاه تدفق المعدن
وده للنوع الغير مباشر

وبرده هنا القوة بتضغط في عكس اتجاه التدفق بتاع المعدن


**** شوية ملحوظات ليكم برده
النوع الغير المباشر (indirect) افضل من النوع مباشر (direct) ليه بردو ؟؟؟؟؟ بنضطر نستخدم قوة أكبر عشان الاحتكاك في ال direct Extrusion أكبرمن Indirect Extrusion وده راجع للفراغ الموجود في النوع المباشر وبالتالى بيعمل احتكاك مع المعدن عشان يدخل المعدن بين الفراغ ده ..


** البثق الامامي او المباشر بتكون فيه جزء مفتوع في الاخر في الاسطمبة عشان يخرج منه المعدن ..اما الغير مباشر مفيش الجزء المفتوح ده بيضطر يخرج في اتجاه عكسي للقوة

فيه نوع تاني اسمه Wire Drawing معرفش اخدتوه ولا وترجمتع عمليات السحب
وده هو عملية تقليل مقطع أو تغيير شكل قضيب من المعدن عن طريق سحبه خلال اسطمبة ...وخد بالك هنا بيمر بين لوحين في الدرفلة كان بيمر على اسطونتين لان نفسه المفهوم تقريبا او بمعنى تانى وادق عمليات السحب : تضمن تشكيل القضبان الكبيرة الأقطار إلى أسلاك
ودي صورة ليه


الفرق بين ال Extrusion و ال wire Drawing ؟

الفرق إن ال Extrusion القوى فيه بتبقى Compression Force أما في ال Wire Drawing بتبقى القوى Tensile Force لأن بيتم فيه سحب المعدن من الاسطمبة .

وبما ان عملية البثق تتطلب قوى كبيرة ، فان معظم المعادن تنبثق على الساخن عشان مقاومتها للتشكيل منخفضة وملائمة .وممكن يكون البثق المعادن على البارد كالالمنيوم والرصاص

طبعا مفيش مصنع حديد وصلب في العالم الا وبيتسخدم تقنية البثق دي لتشكيل الحديد
المهم ممكن تشوفوا الفيديو ده هو معقد شوية ويمكن متلاحظوش فيه العملية او مش تفهمو ايه اللي بيحصل بالضبط بس ركزوا لحد اما تلاقو شكل الاسطمبة الجديدة
اه وفي الاخر كمان هتلاقو بيحط الاسطمبة الجديدة في مياه وده عشان لما الشغلة بتطلع بالشكل الجديد بتكون سخنة وطرية جدا وبيحطها فيماه باردة جدا عشان يعملها تقسية

_________________
اذا اردت الحياة كما تريد
................
سر فيما تريد وان كان بعيد
...............
وان خفت من مال او قوة او جاه
.................
اعلم ان لا دائم الا وجه الله
...................
وان تركت اخرون ليأخذو حلمك
...............
فقد احتملت الم لن يحتمله غيرك
الرجوع الى أعلى الصفحة اذهب الى الأسفل
 
عملية البثق
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
هندسة الأزهر  :: الكـلـيـة وأقـسـامــهـا :: اعدادي هندسة-
انتقل الى: