هندسة الأزهر
السلام عليكم ..اهلا وسهلا بك عزيزى الزائر نورت المنتدى بزيارتك لنا ..انت غير مسجل فى منتدى كليه هندسه الازهر ..سوف تتمتع بالعديد من المميزات اذا قمت بالتسجيل وذلك بالضغط على الزر اسفله(زر التسجيل) اما اذا كنت مسجل بالفعل ..فلتسجل دخولك عن طريق الضغط على الزر اسفله(زر الدخول) اما اذا كنت تريد اخفاء هذه الرساله فاضغط على الزر اسفله (زر الاخفاء)

هندسة الأزهر

معا لنتواصل.... من أجل حياة جامعية أفضل.
 
الرئيسيةدخولالتسجيلمكتبة الصوردخول الاعضاء

شاطر | 
 

 اتمنى مساندتكم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
قطوف دانيه
مهندس جديد
مهندس جديد


عدد الرسائل : 3
العمر : 24
العمل/الترفيه : قراءة القران
الـكـلـيـــة : : شعبة الهندسه بنات القاهره

مُساهمةموضوع: اتمنى مساندتكم   الخميس أغسطس 19, 2010 10:09 am

السلام عليكم ورحمة الله تعالى وبركاته
احيا الله قلوبكم بنور الايمان وحب القران
انا طالبه فى الصف الثالث الثانوى الازهرى حاصله ع مجموع 95.15%
والحقيقه على تنسيق السنه اللى فاتت هدخل هندسه
لكن انا بصراحه ان شاء الله عندى امل شديد انى هدخل صيدله ان شاء الله دعواتكم
لكن انا بس يا جماعه حبيت ااهل نفسى لو ربنا رزقنى بهندسه هعمل ايه
ولانى مكنتش فى 3 ثانوى بكره حاجه قد التفاضل والتكامل
قلقانه جدا جدا
خصوصا ان الدفعه اللى قبلى قالولى ان اعداى صعب موووووووووت وخرجنا منه بالزء
وانا بصراحه لو دخلت هندسه هيبقى الموضوع صعب لو محققتش حاجه فيها
ونفسى ربنا يكرمنى ومن اول سنه اجيب تقدير ممتاز
لكن مش عارفه ليه محدش مشجعنى كلهم بيقولو دى صعبه موت اول سنه دى
يعنى معقوله محدش جاب جيد مرتفع او جيد جدا
يااااريت تطمنونى
ياريت اى بنت فى اعدادى السنه دى تكلمنى عنها ونقولى اذاكر ازاى واجيب تقدير ازاى
ومتنسوش تدعولى ان ادخل صيدله
منتظره تفاعلكم معى
والسلام عليكم(ياريت تقولولى منهج القران فى اول سنه ايه ومراجعه القران نظامها ايه على مدار ال5 سنين بتوع الهندسه)
الرجوع الى أعلى الصفحة اذهب الى الأسفل
deyaa
مشرف عام على اقسام المنتدى
مشرف عام على اقسام المنتدى


عدد الرسائل : 1998
العمر : 25
العمل/الترفيه : جمعيه خيريه
الـكـلـيـــة : : هندسه شعبة بنات

مُساهمةموضوع: رد: اتمنى مساندتكم   الجمعة أغسطس 20, 2010 1:58 am

بصى يا أستاذه قطوف دانيه
حبدأ كلامى الأول
بأنى قولك مبروك ليكى على هذا المجموع
و ادعوا الله لك ان تدخلى ما فيه الخير لك (صيدله)
يعنى مش مهم تكون صيدله ولا هندسه .
المهم أنك تكونى موقنه انه الأفضل ليكى و أن وعسى أن تكرهوا شيئا وهو خيراً لك و عسى ان
تحبى شيئاً وهو شراً لك .
لو وصلتك القناعه ان اللى حيجيلك هو الأفضل ليكى حتكملى و انتى مستريحه
ولو عشتى على أنى كنت عايزه كلية ...... بس مجتش و انا مش شايفه نفسى فى الكليه اللى جات لى
يبقى ثقى تماماً أنك مش حتكملى وحتحولى بعد فتره .
لو جاتلك هندسه أفرحى ومتزعليش ومتقليش أنا بقول الكلام ده علشان أنا دخلت و لا علشان أنا بحبها
أنا جبت فى ثانوى 96.8 أو 96.9 مش فاكره بالضبط أنا كان نفسى و انا فى أعدادى انى أدخل هندسه و بعدين
لما دخلت ثانوى غيرت رأى و قلت أسنان بس لما جائت هندسه تأكدت انها الأفضل بالنسبه لى .
و بالنسبه الى مشكلتك فى التفاضل والتكامل
فالموضوع مش صعب
لأنها حزء من ماده فى إعدادى هندسه(الإ إذا كنتى حتتخصصى فى قسم كهربا ) و حتأخذيها الترم الأول فقط يعنى زى ما عدت فى ثانوى حتعدى فى إعدادى .
و بعدين الدكتور اللى بيديها دكتور ممتاز حيحببك فيها و الباشمهندس اللى معاه كمان كويس و مبيبخلش على اى حد بحاجه و بيعمل كل اللى فى وسعه علشان نحصل على اكبر إستفاده .
و بالنسبه الى صعوبه الدراسه بها و قله التقديرات اللى أشرت اليها حضرتك فالموضوع ده مش صحيح والنجاح والحصول على
تقدير مش أمر صعب وخصوصأ على واحده جايبه 95 وكسر الا إذا كان المجموع ده مش من مجهودك بل بوسائل أخرى أعاذنا الله منها .
يمكن تلاقى صعوبه بس فى اول الدراسه نظرا الى تغير أسلوب المعامله و نظام الدراسه يعنى دى مشكله بتقابل الكل مش طلاب هندسه بس .
كمثال انتى بقى نظام دراستك بيعتمد على المحاضرات والسكاشن سواء كان فى حضور وغياب ولا لأ
أنتى للى بتحددى أه المحاضرات المهمه و أه لا وانتى اللى بتبقى مسؤله عن مذاكرتك يعنى محدش حيقول لك أعملى كده أو متعمليش ولا حد يقلك مبتروحيش الكليه ليه (يمكن تقابلى باشمهندس زى الباشمهندس أحمد عزت معيد مادة الميكانيكا ربنا يبارك له ويعزه ويكرمه كان دايما ينصحنا و يقلنا متريحوش الدراسه حلوه وسهله و حتى لما بدأ الترم الثانى قال اللى ريح الترم الأول أمامه وقت يلحق يعوض اللى فاته ولحد أخر لحظه فى الترم الثانى يعنى ممكن لحد قبل الأمتحانات بأسبوع كان بيدى الأمل للى كانوا مريحين و ساعدهم علشان يعوضوا اللى فاتهم ) .
وحتى لو رحتى ممكن متحضريش وتقضى الوقت مع أصحابك أو تقعدى فى الكانتين يعنى مبتفرقش اللى عايز يجيب تقدير بينظم نفسه و يعمل اللى عليه .
و بالنسبه الى التقديرات
فكانت حلوه أوى السنه دى و حتى السنه اللى قبلنا يعنى على سبيل المثال لا الحصر السنه اللى قبلى من أصل الدفعه البالغه حولاى 500 نزل بس 34 ودول معظمهم من الى مكانوش بيحضروا أصلاص أو من اللى مدخلوش الأمتحانات أو كانوا من اللى عندهم مبدأ أريح السنه دى بعد شده أعصاب ثانويه .
و كمان كأحصائيه كان عدد اللى حصلوا على مقبول السنه دى حوالى 150 وجيد 170 وجيد جدأ90 أو 100 و جاب إمتياز 6 وده مش رقم قليل غير اللى طلعوا بماده أو مادتين لو حسبناهم حنلاقى النتيجه تمام والوضع مش صعب زى ما انتى متخيله وزى ما اللى أنتى سألتيهم بلغوكى .يمكن يكون اللى سألتيهم كانوا من المكبرين للدراسه أو كانوا مش من المهتمين .
مش مصدقه وعايزه دليل أنا و أكثر من 25 من أصحابى تعرقت عليهم فى الكليه وكونا جروب جبنا كلنا جيد جدا و واحده منا جابت إمتياز وطلعت الرابعه حسب ما يقال
و بالنسبه الى الأولى والثانيه والثالثه فقد كانوا من الطالبات المجتهدات اللى كنا نتوقع لهم هذا المركز.
و بالنسبه الى سؤالك عن المذاكره
كل ده حتعرفيه و حنقولهولك أنا واللى سبقونى واللى كان معايا (طبعأ إذا دخلتى هندسه ومجتللكيش صيدله )فهذه هى العاده لدينا فى الكليه .مش كده وبس حتلاقينا على طول معاكى طول السنه نشرح اللى مش مفهوم و أى مشكله أو إستفسار حتلاقى اللى يوجهك للى يحلهالك أو اللى يساعدك فى حلها.
يعنى متشغليش نفسك وتوجعى دماغك وتقعدى قلقانه من دلوقتى طالما عملتى اللى عليكى
فى ثانوى و أخذتى بالأسباب يبقى متشغليش بالك بالكليه وسيبى الموضوع ده على رب الأسباب والعباد .كل شئ حيجى و حتعرفيه بس فى وقته .
و بالنسبه الى منهج القرأن
فهو 5 أجزاء كل عام ما عدى أخر سنه مفيهاش و برده كل ده حتعرفيه بالتفصيل أول أسبوع إن شاء الله .
وعموما لو أحتجتى حاجه ممكن تسألى و تبعتلنا على المنتدى و حتلاقى الكل بيجوبك ويفيدك إن شاء الله

_________________
اذا اردت الحياة كما تريد
................
سر فيما تريد وان كان بعيد
...............
وان خفت من مال او قوة او جاه
.................
اعلم ان لا دائم الا وجه الله
...................
وان تركت اخرون ليأخذو حلمك
...............
فقد احتملت الم لن يحتمله غيرك
الرجوع الى أعلى الصفحة اذهب الى الأسفل
قطوف دانيه
مهندس جديد
مهندس جديد


عدد الرسائل : 3
العمر : 24
العمل/الترفيه : قراءة القران
الـكـلـيـــة : : شعبة الهندسه بنات القاهره

مُساهمةموضوع: رد: اتمنى مساندتكم   الجمعة أغسطس 20, 2010 5:20 am

جزاك الله خيرا لانك بجد طمنتينى
واكيد ربنا هيكرمنى فى هندسه مادام هو اللى اختارهالى
والحمد لله انى هكون معاكم عشان تساعدونى ووربنا يكرمكم
بارك الله فيكم
الرجوع الى أعلى الصفحة اذهب الى الأسفل
deyaa
مشرف عام على اقسام المنتدى
مشرف عام على اقسام المنتدى


عدد الرسائل : 1998
العمر : 25
العمل/الترفيه : جمعيه خيريه
الـكـلـيـــة : : هندسه شعبة بنات

مُساهمةموضوع: رد: اتمنى مساندتكم   الجمعة أغسطس 20, 2010 6:03 am

جزانا و إياكى
و لو حصل و أنضممتى لينا يبقى الشرف من نصيبنا أحنا
يا أستاذه قطوف دانيه

_________________
اذا اردت الحياة كما تريد
................
سر فيما تريد وان كان بعيد
...............
وان خفت من مال او قوة او جاه
.................
اعلم ان لا دائم الا وجه الله
...................
وان تركت اخرون ليأخذو حلمك
...............
فقد احتملت الم لن يحتمله غيرك
الرجوع الى أعلى الصفحة اذهب الى الأسفل
 
اتمنى مساندتكم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
هندسة الأزهر  :: الترحيب بالأعضاء والمهندسين الجدد welcom to every body-
انتقل الى: