هندسة الأزهر
السلام عليكم ..اهلا وسهلا بك عزيزى الزائر نورت المنتدى بزيارتك لنا ..انت غير مسجل فى منتدى كليه هندسه الازهر ..سوف تتمتع بالعديد من المميزات اذا قمت بالتسجيل وذلك بالضغط على الزر اسفله(زر التسجيل) اما اذا كنت مسجل بالفعل ..فلتسجل دخولك عن طريق الضغط على الزر اسفله(زر الدخول) اما اذا كنت تريد اخفاء هذه الرساله فاضغط على الزر اسفله (زر الاخفاء)

هندسة الأزهر

معا لنتواصل.... من أجل حياة جامعية أفضل.
 
الرئيسيةدخولالتسجيلمكتبة الصوردخول الاعضاء

شاطر | 
 

 القاهرة سنة 2085, إدخل وشوف

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
shady
مشرف التنمية البشرية


عدد الرسائل : 1269
العمر : 30
العمل/الترفيه : ملازم مهندس
الـكـلـيـــة : : الهندسه

مُساهمةموضوع: القاهرة سنة 2085, إدخل وشوف    الثلاثاء سبتمبر 14, 2010 2:30 am

المكان : أحد أحياء القاهرة
الزمان : يوم من أيام صيف عام 2085
حفيدة في سن المراهقة (12 سنة) تجلس مع جدتها (70 سنة)

ويدور بينهما هذا الحوار

الحفيدة : تيته ميرو إزيك..بقى لي زمان ما قعدتش معاكي

الجدة : وهو أنا عارفة أتلم عليكي خالص.. ده
أنا قاعدة زهقانة قوي ومش لاقية حاجة تسليني

الحفيدة : ومابتفتحيش الدش ليه يا تيته

الجدة : التليفزيون بقى ممل خالص مافيهوش غير
سبعتلاف وخمسميت محطة بس!.وأنا كمان ما بعرفش أغير المحطات

الحفيدة : وإيه الحلاوة دي؟ حلو البادي اللي انتي
لابساه ده..بس ده موضة قديمة قوي ياتيته

الجدة : يا بنتي أنا ست دقة قديمة وبالبس زي ما جيلنا الصاعد اتعود
وحسب التقاليد القديمة بتاعتنا


الحفيدة : أيوه بس مش حاسة إنك مخنوقة وانتي لابساه؟

الجدة: أبداً ده هو ده اللبس المحتشم اللي
مفروض الكل يلبسه ويحافظ عليه..فين أيام زمان
لما كنا نلبس البادي اللي مبين البطن والظهر
بس، مع البنطلون السترتش الجلد …كانت حاجة آخر روشنة

الحفيدة : ياه يا تيته.. ده انتوا كان ليكم تقاليد غريبة خالص

الجدة : وهو انتي فاكرة إن أيامكم دي أيام؟
يا بنتي أيامكم دي ما يعلم بيها إلا ربنا .. فين أيام
سنة 2005 هي الواحدة فينا كانت تستجري
تشرب سيجارة البانجو ولا تسحب لها سطر بودرة قدام أبوها؟
طب ده الدنيا كانت تتقلب ساعتها وما تتعدلش ..
أمال إيه .. كان فيه حاجة اسمها أخلاق

الحفيدة : معقول يا تيته؟ للدرجة الفظيعة دي!!؟


الجدة : أومال انتي فاكرة إيه .. وبعدين كانت الست
من دول ما تلبسش اللبس الخليع بتاع اليومين
دول..يعني الجيبة كان ما يقلش طولها عن شبر و ربع ..
وكانوا الستات يلبسوا فوقيها بلوزة باستمرار ..مش زي دلوقتي!

الحفيدة : يا خبر .. وإيه كمان ياتيته


الجدة : ح أقول لك إيه ولا إيه يعني خدي عندك مثلاً

زمان كنا نسمع الطرب الأصيل لمطربين
حقيقيين :مصطفى قمر وعمرو دياب وطبعاً كانت
سيدة الغناء شاكيرا، وكانت الأغنية مدتها أكثر من
دقيقتين متواصلين من الطرب الأصيل والموسيقى
الهادية الراسية اللي تعمر النافوخ بصحيح كانوا
مطربين روشين وآخر طحن

الحفيدة : وبعدين ياتيته؟


الجدة : وبعدين كنا نسمع على حاجة اسمها
اسطوانات ليزر،ودي فى دى صحيح انقرضت، بس كان
ليها طعم عن دلوقتي، يا سلام لما كنا نحطها في
الووكمان ونعلقها في حزام البنطلون كده
ونمشي في الشارع كده، كانت أيام جميلة.

الحفيدة : حكاويكى ممتعة قوي يا تيته .. ثانية
واحدة بس لما أصحي سمسم صاحبي فى
المدرسة لأنه بايت معايا في الأودة من امبارح ..
أصل الإنسان الآلي بتاع الصحيان بايظ ولازم نصلحه النهاردة

الجدة: طيب ياحبيبتي روحي

(بعد عدة دقائق)


الحفيدة : هيه يا تيته.. وبعدين؟

الجدة : أحلى أيام بقى كانت أيام الدراسة، الفصل
كان على أيامنا رايق وعدد التلاميذ فيه ما يزيدش
عن ستين سبعين تلميذة، وكنا ساعتها بنعرف
نفهم الدرس كويس مش زى دلوقتي وكانت
الشوارع أيامها فاضية يعني كانت إشارة المرور
تقعد ساعة إلا ربع بس لأن مصر كلها كان تعدادها 70
مليون مش أكثر، تخيلي بقى الروقان اللي كنا فيه؟

الحفيدة : 70 مليون بس؟

الجدة : أومال إيه .. عشان كده كانت كل حاجة
رخيصة ، يعني مثلاً كيلو اللحمة يوم ما يضربه
الدم كان يبقى بخمسة وعشرين جنيه أو بتلاتين
جنيه، وكان أتخن جوز جزمة بـ 250 جنيه، وكان
الواحد يقدر يشتري شقة تمليك بـ150 ألف جنيه
بس..وكان الدولار بخمسة جنيه بس.. تخيلي بقى؟



الحفيدة : ما هو علشان كده الجواز على أيامكم
كان سهل خالص، إحنا بقى خلصنا من العُقد دي

الجدة : أُمال إيه .. ده احنا الواحدة مننا كانت
بمجرد ما توصل سن 17 سنة تبتدي تفكر في
الجواز العرفى على طول، وما كانش عندنا الأفكار
الغريبة اللي بتعملوها دلوقتي، أنا شخصياً شايفةإن ده أوفر شوية.
ده احنا يا بنتي على أيامنا كان
لا يمكن البنت تتأخر بره البيت عن الساعة أربعة
الصبح، طب ده باباها كان ممكن ساعتها يخاصمها


الحفيدة : ياي! ده انتوا كنتوا متزمتين خالص ياتيته !!!

الجدة : يا بنتي إحنا اتربينا على الأخلاق والفضيلة
والعادات والتقاليد . يعنى كان أهل الفن
محتشمين جداً وكانوا دايماً يطلعوا بالمايوهات
البيكيني، والمذيعات كانوا يقعدوا جنب الضيف
مش على رجليه زي دلوقتي ..

هيـ يـ يـ يـ ـه الله يرحم دي أيام.. فكرتيني بالذي مضى


(تمسك الجدة بتليفون محمول في حجم علبة
الكبريت)

الحفيدة : ح تكلمي مين يا تيته؟
الجدة : الحقيقة أنا كنت موصية الجزار على اتنين كيلو

لحمة و اديته 600 دولار عربون وعايزة أطلبه
أشوف إذا كانت اللحمة وصلت ولا لأ ..

الحفيدة : (تنهض من مكانها) تشاو سي يو تيته !

الجدة : سي يو

وبعد مرور عدة ساعات انتابت الجدة خلالها غيبوبة
بسبب الشيخوخة و في المساء دار هذا الحوار :

الجدة : إنتي كنتي فين يا فتفت؟


الحفيدة : أصل إحنا أخدنا الولد من الحضانة

الجدة : ولد !! ولد إيه اللي أخدتوه من الحضانة؟


الحفيدة : آه صحيح أنا نسيت أقول لك .. أصل أنا جبت ولد من سمسم صاحبي

الجدة : يا بنتي مستعجلين على إيه مش لما تتجوزوا ؟

الحفيدة : يا سلام عليكي يا تيته.. إنتي عليك تحكيمات غريبة..
طيب إيه اللي يمنع نخلف من غير جواز ؟
أنا شخصياً عملتها ونفعت

الجدة : مشكلتي إني ما باعرفش أزعل منك يا فتفت
ياعكروتة ..وسميتوا المحروس إيه بقى



الحفيدة : سميناه : دوت كوم

الجدة : نعم .. دوت كوم؟ نظام هاي تك بقى؟
يعني لما تعوزي تنادي له تدوسي (إنتر) ولا إيه بالضبط ؟

الحفيدة : ها ها ها ها .. إيه الخفة دي يا تيته
والله فكرة .. لما أعوز أنده له أدوس إنتر .. ولما
أحب أقول له روح أودتك أدوس ( ألت و إف 4 )


الجدة : وأخدتوه من الحضانة وديتوه فين بقى؟

الحفيدة : وديناه النادي الصهيوني بتاع الحي

الجدة : النادي الصهيوني بتاع الحي؟

الحفيدة : أيوه .. ده نادي جميل معمول برعاية
كبار رجال الأعمال .. وتحت رعاية وزارة الزراعة
وده بيعلم الأطفال حاجات ظريفة خالص
ومصاريفه رخيصة جداً وبعدين الولد الكويس
ممكن يبعتوه يكمل تعليمه في إسرائيل على
نفقة وزارة الزراعة أصل (ميدو يوسف والي)
وزير الزراعة ده راجل متفتح قوي

ها..أفتح لك التليفزيون يا تيته عشان تشوفي نشرة الأخبار؟

الحفيدة تضغط الريموت كنترول

لنرى شاشة كبيرة بطول وعرض حائط الغرفة،
وتظهر صوت مذيعة مصحوباً بلقطات للأنباء

تقول المذيعة : هاي شلة ! إليكم عناوين الأخبار

أمريكا ترصد 25 مليار دولار لرأس تامر بن محمد
بن أسامة بن لادن المتهم الأول في تفجير قصر السفير الأمريكي في أفغانستان

واشنطن تتهم ليبيا بتفجير سفينة فضاء فوق
كوكب المريخ

وزير الاقتصاد د. فريد يوسف بطرس غالي يصرّح :
إعدام الفقراء هو الحل لخروجنا من عنق الزجاجة

موافقة مجلس الشعب أخيرا على خصخصة معبد الكرنك

أخبار عربية :

زهوة ياسر عرفات تطالب بانسحاب إسرائيل
حتى حدود عام 2030، وإعلان الدولة الفلسطينية في مايو المقبل

إسرائيل ترفض الإنسحاب من البصرة إلا بعد
ضمان أمن مستوطناتها في بغداد

اشتباكات على الحدود الإسرائيلية المغربية


أخبار الفن

زفاف المطربة صباح على حفيد الفنان الراحل راغب علامة

رئيسة قطاع الإنتاج لم تستقر بعد على بطلة
فوازير رمضان ويعقد إجتماع مع السيدة توتي
محمد صفوت الشريف وزيرة الإعلام الجديدة
لمناقشة هذه القضية

الفنان محمد هنيدي يهاجم نجوم الكوميديا الجدد

المذيعة : فينيش باي



الجدة : لأ بقى حسبي الله ونعم الوكيل فيكم فعلا
(يغمى عليها)
الحفيدة : تيته..تيته
إيه دا ؟.. دي ماتت ..يالا بلا نيله
الرجوع الى أعلى الصفحة اذهب الى الأسفل
احمد المصري
مهندس فعال
مهندس فعال


عدد الرسائل : 358
العمر : 27
العمل/الترفيه : لسا بدرس
الـكـلـيـــة : : ..............

مُساهمةموضوع: رد: القاهرة سنة 2085, إدخل وشوف    الأربعاء سبتمبر 15, 2010 12:46 am

موضوع قيم من الدرجه الاولي
خصوصا
وزير الاقتصاد د. فريد يوسف بطرس غالي يصرّح :
إعدام
الفقراء هو الحل لخروجنا من عنق الزجاجة
ربنا يسترها علينا يا هندسه
احنا والاتباع
الرجوع الى أعلى الصفحة اذهب الى الأسفل
shady
مشرف التنمية البشرية


عدد الرسائل : 1269
العمر : 30
العمل/الترفيه : ملازم مهندس
الـكـلـيـــة : : الهندسه

مُساهمةموضوع: رد: القاهرة سنة 2085, إدخل وشوف    الأربعاء سبتمبر 15, 2010 1:16 am

ياااااااااااااارب حبيبي البشمهندس احمد وجزاك الله خيرا علي المرور
الرجوع الى أعلى الصفحة اذهب الى الأسفل
mosabdragon
مهندس فعال
مهندس فعال


عدد الرسائل : 1099
العمر : 25
العمل/الترفيه : انسان
الـكـلـيـــة : : الهندسة

مُساهمةموضوع: رد: القاهرة سنة 2085, إدخل وشوف    الأربعاء سبتمبر 15, 2010 3:22 am

ايه الجمال دا يابشمهندس شادى
فعلا جميلة جداااااااااااااااااااااااااااااااااااا
ومشكووووووووووووووووووووووووووووووووووووووووووووووووووووووووووووور جدا بجد
الرجوع الى أعلى الصفحة اذهب الى الأسفل
shady
مشرف التنمية البشرية


عدد الرسائل : 1269
العمر : 30
العمل/الترفيه : ملازم مهندس
الـكـلـيـــة : : الهندسه

مُساهمةموضوع: رد: القاهرة سنة 2085, إدخل وشوف    الأربعاء سبتمبر 15, 2010 4:23 am

الله يكرمك حبيبي مصعب
وجزيت خيرا علي المرور
ونفتقد جدا لرأي بشمهندسه ضياء ربنا يرجعها بالسلامه
الرجوع الى أعلى الصفحة اذهب الى الأسفل
mosabdragon
مهندس فعال
مهندس فعال


عدد الرسائل : 1099
العمر : 25
العمل/الترفيه : انسان
الـكـلـيـــة : : الهندسة

مُساهمةموضوع: رد: القاهرة سنة 2085, إدخل وشوف    الأربعاء سبتمبر 15, 2010 10:35 am

انت تعرف ايه اخبارها او اى حاجة عنها
احنا فعلبا مفتقدينها ومفتقدين اراها بجد وربنا انا ملاحظ غيابها من فترة لعل المانع ان شاء الله خير

الرجوع الى أعلى الصفحة اذهب الى الأسفل
deyaa
مشرف عام على اقسام المنتدى
مشرف عام على اقسام المنتدى


عدد الرسائل : 1998
العمر : 25
العمل/الترفيه : جمعيه خيريه
الـكـلـيـــة : : هندسه شعبة بنات

مُساهمةموضوع: رد: القاهرة سنة 2085, إدخل وشوف    الخميس سبتمبر 16, 2010 7:55 am

thank you all for your asking
i was just too busy
but in sah allah i will be there again;
and let me eng shady thanking you about this subject
it`s very funny and i liked it alot .


_________________
اذا اردت الحياة كما تريد
................
سر فيما تريد وان كان بعيد
...............
وان خفت من مال او قوة او جاه
.................
اعلم ان لا دائم الا وجه الله
...................
وان تركت اخرون ليأخذو حلمك
...............
فقد احتملت الم لن يحتمله غيرك
الرجوع الى أعلى الصفحة اذهب الى الأسفل
mosabdragon
مهندس فعال
مهندس فعال


عدد الرسائل : 1099
العمر : 25
العمل/الترفيه : انسان
الـكـلـيـــة : : الهندسة

مُساهمةموضوع: رد: القاهرة سنة 2085, إدخل وشوف    الخميس سبتمبر 16, 2010 12:30 pm

وحمد لله على سلامة حضرتك
الرجوع الى أعلى الصفحة اذهب الى الأسفل
 
القاهرة سنة 2085, إدخل وشوف
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
هندسة الأزهر  :: !!.. الــمــوضــوعــات الــعــامــة ..!! :: البــــيـــت بـــيــــتــك-
انتقل الى: