هندسة الأزهر
السلام عليكم ..اهلا وسهلا بك عزيزى الزائر نورت المنتدى بزيارتك لنا ..انت غير مسجل فى منتدى كليه هندسه الازهر ..سوف تتمتع بالعديد من المميزات اذا قمت بالتسجيل وذلك بالضغط على الزر اسفله(زر التسجيل) اما اذا كنت مسجل بالفعل ..فلتسجل دخولك عن طريق الضغط على الزر اسفله(زر الدخول) اما اذا كنت تريد اخفاء هذه الرساله فاضغط على الزر اسفله (زر الاخفاء)

هندسة الأزهر

معا لنتواصل.... من أجل حياة جامعية أفضل.
 
الرئيسيةدخولالتسجيلمكتبة الصوردخول الاعضاء

شاطر | 
 

 عاوز اصلي بس ...........مش عارف انا مش بصلي ليه؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
eng.shahira
مهندس فعال
مهندس فعال


عدد الرسائل : 157
العمر : 24
العمل/الترفيه : Student
الـكـلـيـــة : : the faculty of engineering

مُساهمةموضوع: عاوز اصلي بس ...........مش عارف انا مش بصلي ليه؟   الجمعة أكتوبر 22, 2010 12:24 pm

بسم الله الرحمن الرحيم

الحمد لله رب العالمين والصلاة والسلام على اشرف المرسلين سيدنا محمد وعلى اله وصحبه اجمعين
"متنسوش تصلوا على النبى" عليه افضل الصلاة والسلام

اما بعد

اخوانى واخواتى حبايبى كلكم
احزنى جدا ان سمعت ان فى ناس فى اعضاء الجروب مش بيصلوا مع انى متوقع الا انى حزين
الناس ياجماعة بينقسموا لعدة اقسام فى ترك الصلاة
فى واحد بيجحد وجودها ده لاشك كافر
فى واحد بيكسل
فى واحد نفسه يصلى بس خايف من كلام الناس
فى واحد بيصلى بس كأنه مش بيصلى

طيب واخرتها
فايدتك ايه فى الدنيا ؟
يعنى الكل ملام مش اللى تاركها بس لا اللى مبلغش دعوة ربنا ورسالته

انا
يا جماعة ولا عالم ولا مفتى ولا شيخ انا واحد منكم زيك باالظبط ممكن اكون
قريت فى الدين شوية بس انا مش فلذة كل واحد فينا عليه الرسالة انه يصلح
نفسه اولا ثم اللى حواليه ولو على الاقل يصلح واحد جنبه

مش نقعد
فالحين بس نمسك قضايا ملهاش اى لزمة ومش موضوعنا ونقعد نختلف فيها وانها
كذا والامام قال كذا وكذا ده مش شغلنا الا بقى اللى بيدرس اصول دين او علوم
شريعة فده شغله

اما انا وانت وانتى اللى مننا طلبة فى كليات واللى
مننا ناس شغالين واللى مننا آباء وامهات افاضل عليك تعرف اللى عليك فى
الدين وتحاول تطبق على نفسك واللى انت مسئول عنهم ده اضعف الايمان يعنى

لكن نقعد ندخل نفسنا فى حواارات العلماء الافاضل موصلوش لاتفاق فيها فاحنا كده بنضيع الرسالة والامانة اللى علينا

نتكلم بصراحة
انت مش بتصلى ليه ؟
مبسوط يعنى بحياتك ولا ضامن؟
اه ضامن مهو يا اما انت ضامن انك تدخل الجنة فمش مهم عندك انك تصلى

لا ياعم هو مش ضامن بس هو مكسل
طيب متحاول
حاول تغير حياتك متبقاش اسير نفسك
"كان
فى واحد عنده فيل كبير مربوط فى سلسلة وفى اخر السلسلة صندوق خشب المهم
ساله واحد هو ليه الفيل يعنى مربوط فى صندوق خشب ما هو ممكن يشد الصندوق ده
ويتحرر منه الراجل جاوبه وقاله لما كان هو صغير كان الصندوق بالنسبة ليه
كبير وما كانش بيقدر يفك نفسه منه ففضل كل يوم يصحى الصبح ويحاول يحرك نفسه
بس بلا جدوى الا ان بقى فكر فى دماغه انه مش هيقدر فى حياته يحرر نفسه "
اهو
نفسك دى عاملة زى نفس الفيل انت خلاص بقيت قادر على انك تتحرر من الاسلوب
الروتينى والتقليدى فى حياتك قوم دلوقتى لو الاذان بيأذن قوم اتوضا وصلى
واستغفر ربنا وتوب ده غفور رحيم

الشخص الكسلان:اااااااااه انا نفسى اتتغير بس مش عارف

متقوم ياعم ربنا لو شايف ان فى قلبك صدق هيساعدك بدليل انك بتقرا النصيحة اهو دلوقتى

الشخص الكسلان:بس انا عملت زنوب كتيرة

وايه المشكلة طيب ما معظم الصحابة عملوا ذنوب انت عمرك مهتعملها فى حياتك وتابوا وربنا غفرلهم

الشخص الكسلان:طيـ......... مفيش طيب ولا بتاع قوم دلوقتى صلى

صلى اى فرض قدامك لو العشا ابدأ بالعشا لو المغرب ابدأبالمغرب

متقولش بكرة هبدأ لو راجل وصادق فعلا قوم دلوقتى قوم واحكيلنا تجربتك من اولها ده انت هتحس بلذة معظم الناس اللى بتصلى مننا فقدوها

يلا ياحبيبى فى الله
يلا يا اختى انا خايف عليكم

انتوا مسمعتوش اية
"قالوا ماسلككم فى سقر؟"الملائكة مستغربة بتسال اهل النار
ايه اللى جابكم هنا ؟
بص اول رد اول رد قالوه"قالوا لم نكن من المصلين ولم ....." الى اخر الايات لكن اول سبب هو اننا مكوناش بنصلى

يلا ياعم مستنى ايه هتقفل التوبيك وتفتح حاجة جديدة؟ وتنفض يعنى يبقى انا اقمت عليك الحجة وانا برئ منك

هاه فى حد نفذ حاجة ؟
فى حد انتصر على نفسه ؟


انا تقريبا كل يوم بنتصر على نفسى فى حاجة انتوا بقى مش ناويين تصحوا؟ولا هى نوم فى الشتا وبطاطين وياعم العمر لسه طويل
"
-
-
-
-
-
منقول
-













-

الرجوع الى أعلى الصفحة اذهب الى الأسفل
الهواري
مراقب عام على اقسام المنتدى
مراقب عام على اقسام المنتدى


عدد الرسائل : 1357
العمر : 27
العمل/الترفيه : طالب
الـكـلـيـــة : : الهندسة

مُساهمةموضوع: رد: عاوز اصلي بس ...........مش عارف انا مش بصلي ليه؟   الثلاثاء أكتوبر 26, 2010 7:50 am

جزاكي الله خيرا ياباشمهندسة علي موضوعك الجميل وعلي النية الطيبة[b]
الرجوع الى أعلى الصفحة اذهب الى الأسفل
 
عاوز اصلي بس ...........مش عارف انا مش بصلي ليه؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
هندسة الأزهر  :: !!.. الــمــوضــوعــات الــعــامــة ..!! :: الحـــــــوار العـــــــام-
انتقل الى: