هندسة الأزهر
السلام عليكم ..اهلا وسهلا بك عزيزى الزائر نورت المنتدى بزيارتك لنا ..انت غير مسجل فى منتدى كليه هندسه الازهر ..سوف تتمتع بالعديد من المميزات اذا قمت بالتسجيل وذلك بالضغط على الزر اسفله(زر التسجيل) اما اذا كنت مسجل بالفعل ..فلتسجل دخولك عن طريق الضغط على الزر اسفله(زر الدخول) اما اذا كنت تريد اخفاء هذه الرساله فاضغط على الزر اسفله (زر الاخفاء)

هندسة الأزهر

معا لنتواصل.... من أجل حياة جامعية أفضل.
 
الرئيسيةدخولالتسجيلمكتبة الصوردخول الاعضاء

شاطر | 
 

 نصائح هامه لطلبة اعدادى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
habab
مهندس جديد
مهندس جديد


عدد الرسائل : 41
العمر : 27
العمل/الترفيه : طالب
الـكـلـيـــة : : الهندسه

مُساهمةموضوع: نصائح هامه لطلبة اعدادى   الأربعاء سبتمبر 30, 2009 10:19 pm

بسم الله الرحمن الرحيم
الاخوه المهندسين طلبة الفرقه الاعداديه
اولااحب ن ارحب بكم فى جامعة الازهر وفى كلية الهندسه
واحب ان انقل اليكم بعض النصائح التى اكتسبتها وعملت بها والحمد لله لاقت نجاحا وكان ليها الفضل فى نجاحى
اولا:استعن بالله تعالى فى كل امورك فى المذاكره وفى الامتحانات وفى حياتك وتيقن انه هو المعين لا احد سواه
ثانيا:اختار الصحبه الحسنه سواء فى الكليه او فى السكن واختار من يعينوك على طاعة الله وعلى المذاكره لذلك يفضل السكن مع زملاء فى نفس الكليه
ثالثا:اعداى سنه هامه جدا وتؤهلك لاختيار احب الاقسام اليك ومع العلم انها سنه تقيله شويه ليس فى المواد وانما فى بعض المتاعب داخل الكليه من حيث الحضور وعدم وجود مدرج مخصص لها الا انها وبالله انها سهل جدا تحصل فيها على تقدير.....وانقل اليكم كلمه قالها دكتور \\محمد سرايا وهو من احد الدكاتره المحترمين الذين سوف تلتقوا بهم فى مادة الكيمياء بأذن الله ....قال(انت طالب خارج من ثانويه وحاصل على مجموع اعلى من 90% ماتعرفش تجيب 75%عشان تحصل على جيد جدا او امتياز من 85%اكيد تقدر
رابعا:افخر دايما انك مهندس ازهرى وما تستمعش للناس اللى بيقولى ان هندسة الازهر مش كويسه ومش معترف بيها وان الدراسه فيها اى كلام .....بالله الكلام ده مالهوش اساس من الصحه لان الجامعه بتدرس مناهج ومقررات مش موجوده فى جامعات اخرى والكورسات اللى فيها ما يقدرش طالب جامعه اخرى يدرسها والكلام ده بشهادة الدكاتره وكمان من بعض الاطلاعات على مقررات ومناهج وكتب عدد من الجامعات الاخرى
خامسا:المنتدى هنا ملئ بالمهندسين المحترمين اللى ان شاء الله يقدروا يمداى واحد بأى معلومه يحتجاها وان شاء الله اكون واحد منهم
سادسا:الوصول للقمه صعب لكن الحفاظ عليها اصعب
هتلاقى صعوبات كتير السنه دى وممكن تتعب شويه لكن والله كل ده بيهون لما بتنجح وبتحصل على تقدير والكلام ده والله عن تجربه اكيده
وان اان لقيت صعوبات كتيره اوى فى الكليه لكن بعون الله والعمل على طاعته هتلاقى كل ده بيهون
ووفقكم الله وانا فى انتظار رددودكم وفى اى طلبات

الرجوع الى أعلى الصفحة اذهب الى الأسفل
الهواري
مراقب عام على اقسام المنتدى
مراقب عام على اقسام المنتدى


عدد الرسائل : 1357
العمر : 27
العمل/الترفيه : طالب
الـكـلـيـــة : : الهندسة

مُساهمةموضوع: رد: نصائح هامه لطلبة اعدادى   الأربعاء سبتمبر 30, 2009 11:01 pm

شكرا ياباشمهندس علي موضوعك ده
وربنا ان شاء الله يكرمنا جميعا ونساعد بعض
واي حدي ياباشمهندسين وياباشمهندسات الازهر لسه ف اعدادي وعنده اي استفسار او محتاج اي مساعده
يتفضل يطلب فورا ، ان شاء الله الكل يساعد بنيه خالصة لوجه الله تعالي
شكرا ياباشمهندس علي طرحك لهذا الموضوع الهام وفي انتظار المزيد منك ان شاء الله
الرجوع الى أعلى الصفحة اذهب الى الأسفل
mohamedmostafa
مهندس فعال
مهندس فعال


عدد الرسائل : 393
العمر : 27
العمل/الترفيه : مصري
الـكـلـيـــة : : مصري

مُساهمةموضوع: رد: نصائح هامه لطلبة اعدادى   الخميس أكتوبر 01, 2009 12:48 am

habab كتب:

ثانيا:اختار الصحبه الحسنه سواء فى الكليه او فى السكن واختار من يعينوك على طاعة الله وعلى المذاكره



ههههههههه طبعا كلامك مظبوط يا بشمهندس علشان كدة سكنت معاك السنة اللي فاتت

بجد نصائح قيمة جدا منك يا بشمهندس محمد اطلب من كل طالب في اعدادي هندسة انه يتمسك بيها

واضيف نصيحة ممكن بالنصيحة دي تفرق معاك اوي وهي لو تقدر تساعد اصحابك ما تبخلش عليهم

بجد النصيحة دي فعالة اوي بإذن الله لو صاحبك فيه حاجة مش عارفها قول له عليها

لو شايف انك عارف حاجة زيادة عن صاحبك ياريت تفيده بيها

موضوع جميل يا بشمهندس وفي انتظار المزيد
الرجوع الى أعلى الصفحة اذهب الى الأسفل
alaam200
مهندس جديد
مهندس جديد


عدد الرسائل : 10
العمر : 25
العمل/الترفيه : طالب
الـكـلـيـــة : : كليه الهندسه

مُساهمةموضوع: رد: نصائح هامه لطلبة اعدادى   السبت أكتوبر 10, 2009 3:39 am

السلام عليكم ازيكم يا باشمهندسين انا اخوكم علاء لسه داخل اعدادى ولله انتم اخوه احباء واسره جميله كنت عايز اسال على حاجه ازاى اقعد فى المحاضره يعنى اسمع واركز ولا اكتب ولو كتبت ايه الحاجات الى اكتبها ولا اكتب كحه الدكتور وبالذات الوصفيه والميكانيكا ياريت التواصل يا احسن مهندسين الدنيا
الرجوع الى أعلى الصفحة اذهب الى الأسفل
الهواري
مراقب عام على اقسام المنتدى
مراقب عام على اقسام المنتدى


عدد الرسائل : 1357
العمر : 27
العمل/الترفيه : طالب
الـكـلـيـــة : : الهندسة

مُساهمةموضوع: رد: نصائح هامه لطلبة اعدادى   السبت أكتوبر 10, 2009 4:09 am

اهلا بيك ياباشمهندس بيننا ونورت المنتدي
ماتقلقش من اعدادي هي بس ليها رهبة علشان اول سنة بس مش اكتر
واحنا موجودين لاي مساعدة اوأستفسار ان شاء الله كأخوات اولا ثم زمايل طبعا
اما عن سؤالك فنصيحة خاصة مني انك تكون حريص علي التواجد في الصفوف الاولي دائما علشان ده ممكن يفرض عليك الالتزام شويه حتي ولو كان غصب عنك لانك بتبقي قدام الدكتور علي طول اما اللي بيقعدوا ورا شويه فا فيهم اللي بيقضيها العاب وفي اللي بيفتح البلوتوث وهاتك يا أرسال واستقبال طبعا مش بالضروره ده هايحصل معاك او قدامك بس ممكن يحصل بس طبعا في ناس محترمة جد ومستواها عالي وبتقعد ورا عادي انا بس باتكلم عن الالتزام في المحاضرة والزهن الصافي اما عن كتابة المحاضرات فدا بيختلف من ماده للتانيه يعني في مواد بتحتاج الكتابة خلف الدكتور علشان الدكتور بتاعها مش بيلتزم بكتاب وبيجيب حاجات من بره وبيلزمك بالكلام اللي هو قاله في المحاضره وكمان في دكاترة تانية بتلتزم بالكتاب ودي كل كلمة بيقولها تلاقيها موجوده في الكتاب وهنا عليك بس انك تبدأ تعلم ع الافكار اللي شرحها الدكتور في الكتاب وكمان اللي انت حاسس انه اهتم بيها وكده يعني واهم حاجه الفهم اولا مش الكتابة يعني لو الكتابة هاتعطلك عن الفهم ماتكتبش طبعا وحاول تشوف زميل فاضل يديك المحاضرة ده لو بجد مش قادر تجمع بين الفهم والكتابة علشان برضوا انت لما بتكتب بأيدك غير لما بتاخد كتابة او تبييض حد ممكن يكون نسي اي حاجة ماكتبهاش والناس المحترمة كتير جدا بس المشكلة انك تعثر عليهم في الوقت المناسب مش متأخر وطبعا ماتكونش علاقتك بيهم علاقة مصلحة لا علاقة اخوه في الله يعني لو عندك ماتقدمة لاي حد ماتبخلش عليه ايا كان هوه مين وبلاش حركات ثانوي دي ههههههههههههههههههههه وخليك مع ربنا دائما وان شاء الله يكرمك ويكرمنا معاك وبالتوفيق ان شاء الله وآسف للاطالة عليك في الرد.
الرجوع الى أعلى الصفحة اذهب الى الأسفل
smsm
مهندس فعال
مهندس فعال


عدد الرسائل : 491
العمر : 27
العمل/الترفيه : مهندسة ان شاء الله
الـكـلـيـــة : : هندسة

مُساهمةموضوع: رد: نصائح هامه لطلبة اعدادى   السبت أكتوبر 10, 2009 9:04 am

نورت المنتدي يا بشمهندس علاء
ويارب تستفيد منه وتفيده ان شاء الله
وزي ما البشمهندس عمرو قال ان دي رهبة اول سنه بس
وحكاية الكتابة دي حسب طبيعتك انت شوف بتكون امتي تركيزك بيكون اعلي
لما بتكتب ولا وانت بتسمع بس
انا عن نفسي لو قعدت ساكته كده من غير ما اكتب يبقي عليا العوض
ههههههههههها
الوصفية والميكانيكا
دايما الناس بتعمل لاعدادي رعب منهم كنت في الموضوع ده برده السنه اللي فاتت
علي الرغم انها مواد كويسه وسهله لو بتتذاكر علي طول
اهم حاجه فيهم انك تتابع وتذاكر اول بأول بعد المحاضرة والسكشن
وماتحطش في دماغك الكلام اللي بتسمعه لانه غالبا يكون من ناس دبلر
فابتكون الدنيا كلها سوده ووحشة قدامهم
وان شاء الله هاتعدي منها وتجيب تقدير كويس كمان
والمنتدي كله تحت امرك لو احتجت لاي حاجه
الرجوع الى أعلى الصفحة اذهب الى الأسفل
ذكرى بلا حياة
مهندس فعال
مهندس فعال


عدد الرسائل : 282
العمر : 27
العمل/الترفيه :
الـكـلـيـــة : : هندسة

مُساهمةموضوع: رد: نصائح هامه لطلبة اعدادى   السبت أكتوبر 10, 2009 12:56 pm

سعدنا بوجودك ياباشمهندس ونورتنا
عايزه أقولك ان مش كل المواد زى بعضها يعنى فى مواد لازم تكتب فيها بنفسك لأنك مش هتفهما غير بأسلوبك وفى مواد ممكن تستعين فيها بكتابات صحابك وفى مواد مش هتحتاج لها اى كتابة ودا على حسب طريقة مذاكرتك وأسلوب الدكتور
بس مهما كانت الماده سهلة اوصعبة بالنسبة لك أنصحك أثناء الشرح والمذاكرة تسجل أفكارك أو أى سؤال يجى فى بالك وتسأله لنفسك بعد المذاكرة لأن دا اللى هيحدد مدى فهمك ويسهل عليك المراجعة ان شاء الله ولو معرفتش تجاوب تسأل من غير تردد حد من صحابك أو المعيدين
والوصفية ياريت متسمعش من حد لأن الكلام عليها كتير وبيعقد لدرجة ان زميلتنا كانت مش هتدخل الامتحان بسبب الكلام
وربنا يوفقك ويصلح حالك
وأهم حاجة تسأل كتير وفى كل حاجة محتاجها لأنه خير لك..أن تسأل مرتين من أن تخطئ مرة واحدة
الرجوع الى أعلى الصفحة اذهب الى الأسفل
alaam200
مهندس جديد
مهندس جديد


عدد الرسائل : 10
العمر : 25
العمل/الترفيه : طالب
الـكـلـيـــة : : كليه الهندسه

مُساهمةموضوع: رد: نصائح هامه لطلبة اعدادى   الإثنين أكتوبر 12, 2009 12:39 am

الف الف الف شكر ليكم يا جماعه بجد ربنا يجعلو فى ميزان حسناتكم انتو ناس جدعان اوى وبتقدرو الواحد وتحسو بيه وبجد استفادت منكم والف شكر يا باشمهندس عمرو وعلى المجهود الجامد اوى اوى ليك فى المنتدى ولله انت المفروض يبقى ليك موقع باسمك وانتى يا باشمهندسه سمسم ربنا يخليكى استفدت منك كتير ومن نصايحك ربنا ينفعك وينفع بيكى والباشمهندسه زكرى ربنا يكرمك وتبقو معيدين يا رب وتجيبو تقدديرات حلوه كلكم
الرجوع الى أعلى الصفحة اذهب الى الأسفل
mohamedmostafa
مهندس فعال
مهندس فعال


عدد الرسائل : 393
العمر : 27
العمل/الترفيه : مصري
الـكـلـيـــة : : مصري

مُساهمةموضوع: رد: نصائح هامه لطلبة اعدادى   الإثنين أكتوبر 12, 2009 5:38 am

اهلا بيك يا بشمهندس علاء وان شاء الله تكون سعيد في الكلية وفي المنتدي

بصراحة كنت عايز اقدم نصائح لكن تكلم من هو افضل ومش لاقي كلام اقوله اكتر من النصائح

لكن احتصارا وليعم الخير حاول تساعد غيرك في حاجات هو مش عارفها

لو انت ساعدته ممكن تفرق معاك اوي وان شاء الله بالتوفيق يا بشمهندس

وبإذن الله نشوفك دكتور في الجامعة وتكون في اعلي الدرجات

تقبل مروري
الرجوع الى أعلى الصفحة اذهب الى الأسفل
alaam200
مهندس جديد
مهندس جديد


عدد الرسائل : 10
العمر : 25
العمل/الترفيه : طالب
الـكـلـيـــة : : كليه الهندسه

مُساهمةموضوع: رد: نصائح هامه لطلبة اعدادى   الخميس أكتوبر 22, 2009 12:56 am

يا جماعه انا خدت تجارب فيزياء عملى واخدت قرايات وطلعت غلط وفى ناس بتقولى شوف الصح واحفظو وادخل بيه بس الحوار ده صعب جدا ومفيش معيدين بيفهمونا حاجه مش عارف اعمل ايه
الرجوع الى أعلى الصفحة اذهب الى الأسفل
mohamedmostafa
مهندس فعال
مهندس فعال


عدد الرسائل : 393
العمر : 27
العمل/الترفيه : مصري
الـكـلـيـــة : : مصري

مُساهمةموضوع: رد: نصائح هامه لطلبة اعدادى   الخميس أكتوبر 22, 2009 7:46 pm

السلام عليكم ورحمة الله وبركاته مرحبا بيك يا باشمهندس وان شاء الله نقدر نفيدك

بالنسبة لموضوع الفيزيا العملي اهم حاجة هو نظرية التجربة

المصحح في الامتحانات بيهتم اوي بالنظؤية ودي اول حاجة بتلفت انتباهه اذا انت كنت كاتبها كويس ولا لأ

اما عن التجربة نفسها ففي بعض التجارب سهل انك تعملها ومش حتحتاج انك تحفظ النتايج

لكن فيه بعض التجارب الاخري ما بتكونش دقيقة او صعب انك تطلع نتائجها

في الحالة دي ممكن تحفظ مثلا 3 نتائج من الارقام وتعرف شكل المنحني وترسمه وتضع نقطتين او تلاتة كمان حول المنحني

وكل دة طبعا علشان تكون كويس في المادة وتجيب درجة كويسة لان للاسف فيه بعض الاجهزة مش بتكون كويسة

وعلي العموم زي ما قلتلك اهم حاجة نظرية التجربة ولكن برضة اهتم بكتابة التجربة نفسها وربنا معاك
الرجوع الى أعلى الصفحة اذهب الى الأسفل
ahmed sokarno
مهندس جديد
مهندس جديد


عدد الرسائل : 9
العمر : 26
العمل/الترفيه : طالب
الـكـلـيـــة : : الهندسة

مُساهمةموضوع: رد: نصائح هامه لطلبة اعدادى   السبت يناير 09, 2010 1:45 am

الف شكر يا بشمهندسين على اهتمامكم الكبيبر ده وكنت باستفسر عن الفقه والانجليزى لان انا ما بصتش فيهم من اول السنة
الرجوع الى أعلى الصفحة اذهب الى الأسفل
mohamedmostafa
مهندس فعال
مهندس فعال


عدد الرسائل : 393
العمر : 27
العمل/الترفيه : مصري
الـكـلـيـــة : : مصري

مُساهمةموضوع: رد: نصائح هامه لطلبة اعدادى   السبت يناير 09, 2010 2:35 am

الشكر لله يا باشمهندس واهلا بيك في منتداك الاول وبيتك الثاني

بالنسبة للفقة فأغلب مهندسين اعدادي ما بيذاكرهوش زيك كدة الا قبل الامتحان

وعموما ماتقلقش المنهج مش بيكون صعب لكن يستحسن انك تظلل علي اهم الجمل فيه

لان الكتاب فيه كلام كتيـر فيستحسن انك تقلقهم ودة بأنك تاخد الجمل المهمة في ورق خارجي او انك تظلل عليها

لان الدكتور عادة بتكون عنيه علي الجمل دي وبيعطي عليها الدرجة

وطبعا من دلوقتي يستحسن انك تنتبه لمواد الترم الاول عن المواد الممتدة

وكمان حل الامتحانات السابقة ان شاء الله هتفيدك كتير

وبالنسبة للانجليزي فالمذكرة بتكون صغيرة يعني ان شاء الله الايام اللي قبل المادة كافية انك تذاكرها

والدكتور احيانا بيحدد بعض الموضوعات المتوقعة ركز عليها وطبعا مع مذاكرة الدروس الباقية

وبرضة ياريت تحل الامتحانات السابقة بتاعت الانجليزي

وماتقلقش ان شاء الله الامتحانات مش بتكون صعبة اوي وبالتوفيق ان شاء الله
الرجوع الى أعلى الصفحة اذهب الى الأسفل
نورالاسلام
مهندس جديد
مهندس جديد


عدد الرسائل : 21
العمر : 24
العمل/الترفيه : مشروع مهندسه
الـكـلـيـــة : : الهندسه

مُساهمةموضوع: رد: نصائح هامه لطلبة اعدادى   الأربعاء يناير 13, 2010 7:42 pm

جزاكم الله كل خير
بجد انا الحمدلله حققت استفاده جامده من المنتدى ومن كل نصائح المهندسين اللى فيه
جزاكم الله جيعا الخير كله وكده تقريبا الباشمهندس
سال عن كل اللى كنت عاوزه اسال عنه
يارب تبقوا كلكم دكاتره ودايما فى نجاح وتفوق يارب
الرجوع الى أعلى الصفحة اذهب الى الأسفل
ahmed sokarno
مهندس جديد
مهندس جديد


عدد الرسائل : 9
العمر : 26
العمل/الترفيه : طالب
الـكـلـيـــة : : الهندسة

مُساهمةموضوع: رد: نصائح هامه لطلبة اعدادى   الإثنين يناير 18, 2010 7:51 pm

الف شكر يا بشمهندس محمدواشكرلى باقى البشمهندسين
الرجوع الى أعلى الصفحة اذهب الى الأسفل
 
نصائح هامه لطلبة اعدادى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
هندسة الأزهر  :: الكـلـيـة وأقـسـامــهـا :: اعدادي هندسة-
انتقل الى: