هندسة الأزهر
السلام عليكم ..اهلا وسهلا بك عزيزى الزائر نورت المنتدى بزيارتك لنا ..انت غير مسجل فى منتدى كليه هندسه الازهر ..سوف تتمتع بالعديد من المميزات اذا قمت بالتسجيل وذلك بالضغط على الزر اسفله(زر التسجيل) اما اذا كنت مسجل بالفعل ..فلتسجل دخولك عن طريق الضغط على الزر اسفله(زر الدخول) اما اذا كنت تريد اخفاء هذه الرساله فاضغط على الزر اسفله (زر الاخفاء)

هندسة الأزهر

معا لنتواصل.... من أجل حياة جامعية أفضل.
 
الرئيسيةدخولالتسجيلمكتبة الصوردخول الاعضاء

شاطر | 
 

 ادوات الرسم الهندسي التي يحتاجها طلاب اعدادي هندسة في اول سنة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الهواري
مراقب عام على اقسام المنتدى
مراقب عام على اقسام المنتدى


عدد الرسائل : 1357
العمر : 27
العمل/الترفيه : طالب
الـكـلـيـــة : : الهندسة

مُساهمةموضوع: ادوات الرسم الهندسي التي يحتاجها طلاب اعدادي هندسة في اول سنة   الإثنين أكتوبر 05, 2009 4:02 pm

السلام عليكم ورحمة الله وبركاته :

ان شاء الله ياباشمهندسين وياباشمهندسات اعدادي هندسة تكون السنة الجديده سعيده عليكم وعلينا باذن الله ، وطبعا علشان انتم اول سنة فامحتاجين تعرفوا الأدوات اللازمة للدراسة بالكلية علي الاقل اللي حاتحتاجهوها في اعدادي ان شاء الله :

اولا : مسطره حرف (تي) وطولها 80 سم علشان الرسم الهندسي والوصفية طبعا وتفضل ان تكون بلاستيك مش خشب علشان الخشب سهل انها تتوسخ وتوسخ اللوحة كمان ، لكن البلاستيك ممكن جدا نمسحها بفوطة النظافة او كده يعني ، واللي ناوي ان شاء الله يدخل عمارة يبقي يشتري المسطرة ال120 سم بالمرة اما عن نوع المسطرة فامش تفرق ، يعني سمير وعلي زي روترنج بس اللي يقدر يشتري روترنج يكون احسن بس بلاش نكلف اهلنا حلاجات مالهاش لزمة يعني الاتنين بيأدوا الغرض في النهاية.

ثانيا : رولة تحفظ فيها لوح الرسم ،ويكون طولها مناسب ليك كاطالب في اعدادي هندسة كمان علي حسب طولك انت هههههه.

ثالثا : جراب بيجمع المسطرة ، والرولة علشان سهولة الحركة بيهم والحفاظ عليهم.

رابعا : مثلثين احدهما ثلاتيني ستيني ، والآخر خمسة واربعين بس لازم يكون طولهم مناسب لطلاب اعدادي هندسة مش من المثلثات الكبيرة اوي دي بتاعت عمارة او تخطيط علشان ناخد بالنا.

خامسا :مثلث ارسطو وده مهم جدا علشان يوفر وقت كبير في الرسم والوصفية خصوصا وفي الفهم ، كمان هو غالي اااه بس
مهم جدا وياريت نحافظ عليه علشان مش كل يوم بقي نكسر واحد ونشتري غيره.

سادسا : برجل للرسم الهندسي والوصفية تمنه تقريبا 5 او 7 جنيه مش عارف ،بس المهم اننا بلاش فنجره ومانشتريش اطقم براجل روترنج والكلام من ده علشان مش ناحتاجها اصلا وحرام كمان الفلوس اللي بتدفع من غير لزمة دي يعني البرجل العادي اللي بيتباع ف الكلية كويس جدا ومناسب وياريت نخاف علي اهلنا شويه ونراعي ربنا في كل تعاملاتنا ف الكلية وخارجها كمان .

سابعا : بوردة(لوح خشب) للرسم الهندسي والوصفية ، علشان نرسم عليه وطبعا نجيب بردة اعدادي مش عمارة علشان ناخد بالنا واحنا بنشتريها مانجابش حاجة كبيرة ع الفاضي ومش نحتاجها.

ثامنا :مسطرة منحنيات (شبلونة كرفات) ودي ان شاء الله نحتاجها في الترم التاني ف الوصفية

تاسعا : قلم روترنج 0.5 مللي علشان الرسم والوصفية ، وكمان ممكن المذاكرة واللي مش يقدر علي النوع روترنج ممكن يجيب اي نوع تاني بس مش عارف حيعيش معاه وللا لأ ؟

عاشرا : اسنان للقلم نوعها اتش بي 0.5 مللي ، وكمان ممكن الدكتور يطلب اي نوع تاني ساعتها ممكن نجيبه كمان علي حسب تعليمات الدكتور في المحاضرة.

الحادي عشر : (استيكة قلم) اسمها كده ماتستغربش ، وكمان (استيكة صابونة) لتنظيف اللوحة بعد انتهاء الرسم.

الثانية عشر : فوطة تنظيف وشكلها ولونها زي الفوطة اللي بتبقي مع سائقي التاكسي.

الثالثة عشر : لزق (سوليتيب)علشان نلزق بيه لوح الرسم والوصفية.

وأخيرا اسكتش (نص سم) ايوه اسمه كده ، وكمان اسكتش لوح كانسون للوصفية
.

وبالتوفيق ان شاء الله للجميع وربنا ان شاء الله يكرمكم ف اعدادي ويكرمنا معاكم بكل مانتمني من خير ان شاء الله وياريت لو حد شايف اني نسيت حاجة ياريت يفكرنا بيها علشان الافادة تكون للجميع ، والسلام عليكم ورحمة الله وبركاته
الرجوع الى أعلى الصفحة اذهب الى الأسفل
aliaglan
مهندس جديد
مهندس جديد


عدد الرسائل : 3
العمر : 25
العمل/الترفيه : طالب
الـكـلـيـــة : : الهندسة

مُساهمةموضوع: رد: ادوات الرسم الهندسي التي يحتاجها طلاب اعدادي هندسة في اول سنة   الخميس أكتوبر 15, 2009 7:29 pm

يا جماعة اتعونوا معانا الي معاه مسطرة مش محتاجها يقولييييييييييييييييييييييي
الرجوع الى أعلى الصفحة اذهب الى الأسفل
 
ادوات الرسم الهندسي التي يحتاجها طلاب اعدادي هندسة في اول سنة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
هندسة الأزهر  :: الكـلـيـة وأقـسـامــهـا :: اعدادي هندسة-
انتقل الى: